IT Txartela, Informazioaren Teknologien Erabileraren Egiaztagiria
IT Txartela, Informazioaren Teknologietan oinarrizko Gaitasuna Ziurtatzeko Sistema bat da, eta pertsona batek tresna informatikoak eta Internet erabiltzeko dauzkan ezaguerak egiaztatzen ditu. Helburua da, egiaztagiri hau lortzearen bitartez, hiritarrak Informazioren Gizartearen alorrean ikas dezaten motibatzea.
Informazioaren Gizartean moldatzeko daukaten gaitasuna egiaztatu nahi duten hiritar guztiei zuzenduta dago.
Enpresek eta erakundeek baliabide bat izan dezakete, bertan lan egiten duten pertsonek eta gerora sar daitezkeen beste batzuek Informazio Teknologietan duten gaitasuna objektiboki ebaluatzeko.
Gizartea, orokorki, ekimen honen onuradun da, izan ere, Teknologia Berrien ezagutzan eman den aurrerakuntza prozesua neurtzeko erraztasunak eskaintzen ditu, adierazle objektibo batean oinarrituz.